«Калі я памру гэтай ноччу?» У Гомелі праходзяць духоўныя практыкаванні
- Written by Katolik.life
- Published in Навіны - Гомель
- Add new comment
Наша стаўленне вырашае ўсё, кажа кс. Павел, які прыехаў, каб правесці рэкалекцыі
У гомельскай рымска-каталіцкай парафіі Нараджэння Божай Маці 4-7 красавіка праходзяць вялікапосныя духоўныя практыкаванні. Праводзіць іх ксёндз Павел Ярашэвіч, які спецыяльна прыехаў у Гомель з вёскі Пелішча Камянецкага раёна, дзе ён зараз служыць. Святар патлумачыў, што рэкалекцыі патрэбныя для таго, каб чалавек «прытармазіўся» у сваёй будзённай мітусні, адклаў на другі план ўсе справы і задумаўся над сваімі адносінамі з Богам, прывёў іх у парадак.
Рэгулярна ўдзельнічаючы ў святой Імшы, мы прывыкаем і часта становімся няўважлівымі да службы, звярнуў увагу кс. Павел. Але ж насамрэч у святой Імшы мы перажываем сустрэчу з Хрыстом, прымаем Яго цела фізічна, бачым Яго, чуем Ягонае слова.
Праверыць сваю ўважлівасць святар параіў такім чынам: спытаць у сябе ў канцы службы, пра што гаварылася ў Евангеллі, псальме, першым чытанні, уступнай малітве, у чыёй інтэнцыі цэлебравалася Імша?
- Наша стаўленне вырашае ўсё. Калі я хачу чаго-небудзь, то імкнуся і ў мяне атрымліваецца, а калі не хачу, то ніхто не прымусіць мяне зрабіць гэта. Гэтак жа і ў духоўным жыцці. Хачу я ўдзельнічаць у святой Імшы, або прыходжу проста адседзецца? Тое ж датычыцца штодзённай малітвы, посту, барацьбы з грахом. Бо часта на кожнай споведзі мы паўтараем адны і тыя ж грахі, - канстатаваў кс. Павел.
Агульная тэма духоўных практыкаванняў - навяртанне да Бога. А падтэмамі з'яўляюцца споведзь, малітва і практычнае навяртанне. На бліжэйшы дзень святар даў гомельскім парафіянам хатняе заданне: задумацца і шчыра адказаць самому сабе на пытанне: «Калі я памру гэтай ноччу, ці возьме мяне Гасподзь на Неба?»
Related items
- Пасля сутак на мяжы кіроўцу не ўпусцілі ў Беларусь з Польшчы. Прычына небанальная
- Загадкавую смерць манахіні расследуюць у Гомелі
- З 7 дзецьмі пасля 25 сутак вядомы прапаведнік пакінуў Беларусь
- На «гучныя» службы ў касцёле паскардзіўся жыхар Смаргоні. Што яму адказалі?
- У Ізраілі католікі з Беларусі спакойна перажылі атаку Ірана, але «вайна дастала»