Унікальная выстава іканапісу мінераламі праходзіць у Гомелі да Вялікадня - ФОТА
- Written by katolik-gomel.by
- Published in Навіны - Гомель
- Add new comment
Таксама ў экспазіцыі прадстаўлены царкоўныя рэчы, фігуры хрысціянскіх святых, прадметы іканапісу і дэкаратыўна-прыкладнога мастацтва.
11 красавіка ў палацы Румянцавых і Паскевічаў адкрываецца выстава «Светлае Хрыстова Уваскрасенне», прымеркаваная да Вялікадня. Упершыню ў Гомелі выставяць працы мінскай мастачкі Алены Гордан, якая працуе ў арыгінальнай тэхніцы мінеральнага россыпу.
У працэсе эксперыментаў са здробненымі самацветамі ў мастачкі нарадзілася аўтарская тэхніка - «мінеральны россып». Яе арыгінальнасць заключаецца ў тым, што выява ствараецца шляхам замацавання здробненых самацветаў на тонкай пласціне белага мармуру. Найтанчэйшая прапрацоўка дэталяў дробным пэндзлем, вымочванне карціны ў спецыяльным растворы, асабліва трывалы клей, стаматалагічныя прыборы - усё гэта прылады, якія выкарыстоўвае майстар.
Таксама ў экспазіцыі прадстаўлены царкоўныя рэчы, фігуры хрысціянскіх святых, прадметы іканапісу і дэкаратыўна-прыкладнога мастацтва, ювелірныя і тэкстыльныя вырабы з калекцыі Гомельскай епархіі.
Фота сайта live-icon.com
Related items
- Напярэдадні Вялікадня праваслаўны архіепіскап наведаў каталіцкі цэнтр у Гомелі
- Праваслаўная Велікодная служба па-беларуску з анлайн-трансляцыяй пройдзе ў Вільні
- Ці ўступаць у піянеры, спыталі ў вернікаў – частка адказаў здзівіла
- Загадкі Каралевы Беларусі: уратавала ад маскоўскай акупацыі, знікла і зноў аб'явілася
- Адпраўка ў войска ў Беларусі адбываецца з удзелам святароў