«Аддацца ў рукі Божыя». У гомельскім касцёле адзначылі парафіяльнае свята
- Written by Katolik.life
- Published in Навіны - Гомель
- Add new comment
Пасля Імшы вакол святыні правялі ўрачыстую працэсію
7 верасня парафіяльнае свята адзначылі ў гомельскім касцёле Нараджэння Божай Маці. На святую Імшу, якую цэлебраваў біскуп Казімір Велікаселец, сабраліся святары і шматлікія вернікі. Парафіяльнае свята прайшло ў цёплай малітоўнай атмасферы. Гомельскія вернікі і госці парафіі сабраліся вакол Езуса і Яго Матулі, каб павіншаваць Яе з днём народзінаў.
Малады пробашч новай парафіі ў Ляхавічах, кс. Павал Мазан, які дагэтуль служыў у Гомелі, таксама прыехаў на ўрачыстасці. Падчас казання ён засяродзіў увагу на пытанні Божай волі і заахвоціў цалкам аддацца ў Божыя рукі, нават калі ў нас іншыя планы - як гэта зрабіла Маці Божая.
Пасля святой Імшы вакол святыні правялі ўрачыстую працэсію. А пазней, увечары гомельскія католікі прачыталі Нешпары і сабраліся за агульным святочным сталом.
Тэкст: Яўгенія Багданава
Фота, відэа: Аліна Ярмоленка, Аляксандр Забароўскі, Яна Цяпіна, Кіра Палявая, Вераніка Ўласава, Вікторыя Каржанеўская
Media
Related items
- «Пад зямлёй адчула сябе шчаслівай». Беларуска працуе ў шахце і запрашае туды на Імшу
- Загадкі Каралевы Беларусі: уратавала ад маскоўскай акупацыі, знікла і зноў аб'явілася
- Мілыя фота з жывёламі ў Баранавічах выклалі манаскія асобы
- Пасля сутак на мяжы кіроўцу не ўпусцілі ў Беларусь з Польшчы. Прычына небанальная
- Адпраўка ў войска ў Беларусі адбываецца з удзелам святароў