Ватыкан кананізуе адразу двух Пантыфікаў - ВІДЭА-трансляцыя

Красавік 18, 2014
Written by katolik-gomel.by
Published in Навіны - Гомель
Add new comment

Сотні тысяч пілігрымаў ужо прыбываюць у Рым, чакаецца ўдзел ва ўрачыстасцях некалькіх мільёнаў чалавек.

27 красавіка, у нядзелю Божай Міласэрнасці, адбудзецца кананізацыя бласлаўлёных Яна XXIII і Яна Паўла II. Сумесная кананізацыя двух Пантыфікаў была асабістым жаданнем Папы Францішка. Кардынал Амата, прэфект Кангрэгацыі па кананізацыі святых, каментуючы гэты факт, адзначыў , што Ян XXIII быў вялікім прарокам і ініцыятарам Другога Ватыканскага Сабору, а Ян Павел II рэалізаваў яго на практыцы і развіў ва ўсіх яго кампанентах і ўсім яго патэнцыяле. Згодна з іерархам, гэтыя дзве асобы з'яўляюцца слупамі не толькі хрысціянскай культуры, але і хрысціянскай святасці.

Сотні тысяч пілігрымаў ужо прыбываюць у Рым. З адной толькі Польшчы ў сталіцу накіроўваюцца больш за тысячу аўтобусаў. Чакаецца ўдзел ва ўрачыстасцях некалькіх мільёнаў чалавек.

Нагадаем, каля 50 гомельскіх каталікоў таксама ўдзельнічаюць ва ўрачыстасцях і вядуць Twitter-трансляцыю свайго падарожжа.