Фотафакт: У Гомелі працягваецца будаўніцтва другога ў горадзе касцёла

На скрыжаванні Рэчыцкага праспекта і вуліцы Аб'язной у Гомелі працягваецца будаўніцтва другога ў горадзе касцёла. Нагадаем, на месцы будаўніцтва ўжо функцыянуе капліца парафіі Унебаўзяцця Найсвяцейшай Панны Марыі. Гэта адроджаная біскупам Казімірам Велікасельцам парафія - замест зачыненай у 1940 годзе савецкай уладай (тады касцёл размяшчаўся ў раёне цяперашняй плошчы Леніна - яго ўзарвалі камуністы).

Зараз вядзецца ўзвядзенне сцен будучага храма. Плануецца, што ў новым касцёле ўсталююць першы ў Гомелі класічны арган. Работы ідуць не такімі тэмпамі, як хацелася б, - адзначым, што храм будуецца выключна на добраахвотныя ахвяраванні. У апошні час з-за пандэміі каронавірусу і эканамічных праблем фінансаванне атрымоўваецца збіраць з вялікай цяжкасцю. Таму парафіяне звяртаюцца з просьбай да ўсіх неабыякавых людзей добрай волі з просьбай дапамагчы ў аплаце будаўнічых працаў. Важны ўнёсак кожнага, а таго, хто добраахвотна дае, любіць Бог, нагадваюць парафіяне.

Рэквізіты для ахвяраванняў у беларускіх рублях:

Религиозная община «Римско-католический приход Успения Пресвятой Девы Марии г. Гомеля»

р/с BY90 BAPB 3015 2762 4001 3000 0000

БИК BAPBBY2X ОАО «Белагропромбанк»

г.Минск УНН 401159166