Маладыя гомельскія каталікі сустрэнуць Новы год у Рыме
- Written by Алина Приходько
- Published in Навіны - Гомель
- Comments (1)
Больш за дваццаць маладых вернікаў гомельскай рыма-каталіцкай парафіі хутка адправяцца ў пілігрымку ў Італію. Там яны будуць удзельнічаць у Еўрапейскай сустрэчы моладзі, якую супольнасць Тэзэ традыцыйна праводзіць на Калядных вакацыях у розных сталіцах Еўропы.
У гэтым годзе месцам сустрэчы стане Рым. Гомельскія каталікі на чале з вікарыем парафіі кс. Дамінікам плануюць прабыць у пілігрымцы з 23 снежня па 6 студзеня. Гомельцы будуць дабірацца да Польшчы сваім ходам, а там далучацца да групы польскай моладзі. На шляху ў Рым і ў самім «Вечным горадзе» гомельскія вернікі будуць начаваць у сем'ях мясцовых каталікоў.
Еўрапейская сустрэча моладзі пачнецца 28 снежня. Яна збярэ дзесяткі тысяч маладых людзей з усяго кантынента. У праграме форуму - паломніцтва да грабніц апосталаў і ў катакомбы, малітвы ў найбуйнейшых базіліках Рыма і сустрэча з Папам Бенедыктам XVI.
Гамельчукі ўжо падалі дакументы на атрыманне віз. Як адзначылі ў італьянскім консульстве, усяго з Беларусі ў Еўрапейскай сустрэчы моладзі плануюць прыняць удзел каля тысячы маладых каталікоў.
Related items
-
Усяго тры чалавекі ў Расіі вучацца ў каталіцкай семінарыі. А як у суседніх краінах?
-
«Жыццё пачынаецца там, дзе знікае 5G». Святар з Віцебска выпускае кнігу – для падлеткаў
-
Цуды – кожны дзень. У Будславе распавядаюць, як і каму дапамагла Божая Маці
-
Стаў вядомы кошт удзелу для католікаў Беларусі ў Сусветных днях моладзі ў Сеуле
-
Каталіцкія парафіі Беларусі наведае прадстаўнік супольнасці Тэзэ
RSS-стужка каментароў гэтага запiсу