У гомельскім касцёле пачынаюцца Адвэнтовыя духоўныя практыкаванні

Снежань 15, 2012
Written by gomel.catholic.by
Published in Навіны - Гомель
Add new comment

17 снежня каталікі пяройдуць у другую палову Адвэнту. Таму ў гомельскай парафіі ў нядзелю пачынаюцца традыцыйныя духоўныя практыкаванні. Весці іх будзе айцец Віталь з ордэна Капуцынаў.

Другая частка Адвэнту набліжае нас да Раства Хрыстовага, і рэкалекцыі стануць дапамогай для больш канкрэтнай падрыхтоўкі да гэтай падзеі. Дарэчы, нагадаем, што выкананы Адвэнт вернікі перажываюць не толькі на Раство, але і ў кожнай Эўхарыстыі. Бо Гасподзь ужо прыйшоў і ёсць з намі.

Да ўдзелу ў духоўных практыкаваннях запрашаюцца ўсе, у тым ліку і тыя, хто даўно не быў у храме і хто хацеў бы вярнуцца на шлях да Госпада. Адвэнт - спрыяльны час для таго, каб пасля блуканняў па сваіх шляхах прыйсці ўбогімі, як пастушкі, да Ісуса. Гасподзь любіць і чакае кожнага!

У Гомель айцец Віталь прыедзе ўпершыню, ён - новы пробашч слонімскага касцёла. 16 снежня святар правядзе рэкалекцыі падчас святой Імшы ў 9.00, 12.00 і 17.00. У панядзелак пройдуць Літургіі пакаяння ў 8.00 і 19.00. У аўторак у той жа час пройдуць заключныя практыкаванні.

Last modified onСубота, 15 Снежань 2012 12:19

Tagged under