Касцёл заклікае беларускіх вернікаў да малітвы за хрысціянаў у Іраку
- Written by katolik-gomel.by
- Published in Навіны - Гомель
- Add new comment
Таксама Каталіцкія Біскупы заклікаюць да далейшай малітвы за ўкраінскі народ, які працягвае барацьбу.
Каталіцкія біскупы Беларусі звярнуліся да вернікаў і ўсіх людзей добрай волі з заклікам аб малітве за хрысціян Ірака.
"Аблічча сучаснага свету ўсё больш нагадвае ўзбуранае мора. Да нас даходзіць інфармацыя пра ўсё новыя збройныя канфлікты, пра адсутнасць міру ў свеце і пра войны, у якіх гінуць сотні нявінных людзей.
Святы Айцец Францішак ужо неаднаразова выказваў заклапочанасць вельмі цяжкай сітуацыяй, якая склалася ў Іраку для хрысціян, як таксама і для многіх іншых меншасцяў, якія падвяргаюцца пераследу і вымушаны ўцякаць. Занепакоеныя сённяшняй сітуацыяй у гэтай краіне, дзе хрысціян пераследуюць, і заахвочаныя словамі Папы Францішка і яго ініцыятывамі на карысць міру ў свеце, звяртаемся да вас, браты і сёстры, з заклікам да гарачай малітвы ў інтэнцыі мірнага вырашэння нарастаючага канфлікту.
Звяртаемся да ўсіх вернікаў Каталіцкага Касцёла ў Беларусі і людзей добрай волі, каб найбліжэйшыя дні былі напоўнены малітвай за хрысціян, якія падвяргаюцца пераследу ў Іраку і ва ўсіх тых месцах, дзе няма ўзаемнай любові, міру і дабрыні.
Заахвочваем да далейшай малітвы за наш брацкі ўкраінскі народ, які працягвае балючае і крывавае змаганне за сваю свабоду і тэрытарыяльную незалежнасць. Няхай у нашых сем’ях, парафіях, супольнасцях не будзе недахопу ў жэстах духоўнай салідарнасці з тымі, якія церпяць пераслед за справядлівасць (пар. Мц 5, 10).
Верым, што малітва, якая ўзносіцца нястомна да Бога, паспрыяе суцішэнню напружанасці і непарадкаў у Іраку, а таксама перад абліччам крыўды і несправядлівасці, умацуе і з’яднае ў салідарным дзеянні".
Каталіцкія Біскупы Беларусі
Мінск, 13 жніўня 2014 г., catholic.by
Related items
- Аксана, Сяргей, Паліна, Павел... За тых, хто не сустрэне Вялікдзень дома, моляцца ў Вялікі чацвер
- Дзе глядзець відэа-онлайн на Вялікдзень-2024 – падборка прамых трансляцый з касцёлаў
- Абяцаныя працы не пачаліся. Паўтара гады, як зачынены Чырвоны касцёл у Мінску
- Упершыню за пяць гадоў Крыжовы шлях прайшоў у цэнтры Гродна і сабраў сотні ўдзельнікаў
- У Баранавічах не далі дазвол католікам на правядзенне гарадскога Крыжовага шляху