У Курапатах зноў знеслі крыжы. «Да Вялікадня»

Ва ўрочышчы Курапаты пад Мінскам зноў знеслі крыжы. Гэта здарылася 13 красавіка падчас суботніка, які праводзілі дзяржаўныя арганізацыі, у тым ліку федэрацыя прафсаюзаў, БРСМ, «Белая Русь». Удзельнікі суботніка прыбралі ўсе металічныя крыжы, якія былі навідавоку - стаялі ўздоўж Мінскай кальцавой дарогі каля нядаўна ўсталяванага ўладамі плота. На месцы выдраных крыжоў высадзілі дрэвы. Патлумачылі гэта добраўпарадкаваннем - тым, што ва ўрочышчы «наводзяць парадак да Вялікадня».

- Гэта нонсэнс, вар'яцтва. Як можна да Вялікадня - Уваскрасення Хрыстова, асноўнага свята хрысціянства, галоўны сімвал якога - крыж, на якім Ісус быў укрыжаваны і памёр за нашыя грахі, прыбіраць крыжы? - здзіўляюцца карыстальнікі ў сацсетках.

Нагадаем, абурэнне грамадскасці выклікаў першы знос крыжоў у Курапатах 4 красавіка. Тады ва ўрочышчы, на месцы масавых расстрэлаў і пахаванняў ахвяаўр сталінскіх рэпрэсій, тэхнікай вырвалі 70 драўляных крыжоў >

Чытайце па тэме: «Святатацтва» - Каталіцкая царква пра новы знос крыжоў у Курапатах. Арцыбіскуп Тадэвуш Кандрусевіч зноў заклікаў спыніць знявагу Крыжа >