У Ганконгу мільёны пратэстоўцаў спяваюць Алілуя Госпаду [відэа]

Чэрвень 26, 2019
Written by Katolik.life
Published in Соцыум
Add new comment

Хрысціянская малітва стала гімнам пратэстаў і здымае напружанасць паміж мітынгоўцамі і паліцыяй

У Ганконгу працягваюцца масавыя пратэсты супраць магчымай перадачы жыхароў гэтай кітайскай аўтаноміі ў КНР. Апошнія некалькі тыдняў на вуліцы выходзіла некалькі мільёнаў чалавек. Неафіцыйным гімнам пратэстоўцаў стала хрысціянская песня Sing Hallelujah To The Lord («Спявай Алілуя Госпаду»).

Спачатку ў пратэстах удзельнічала група хрысціян, якія занепакоеныя тым, што далучэнне да Кітаю пацягне за сабой пераслед вернікаў камуністычнымі ўладамі краіны (у КНР працягваюцца ганенні на хрысціян, моладзі і дзецям забараняюць прыходзіць у храмы - як афіцыйнай, так і падпольнай Каталіцкай царквы ў Кітаі).

Падчас пратэстаў вернікі моляцца, чытаюць Біблію і спяваюць рэлігійныя песні, у тым ліку Sing Hallelujah To The Lord - менавіта яе падхапілі і іншыя ўдзельнікі акцыі пратэсту, у тым ліку не веруючыя. Хрысціянская песня дапамагае здымаць напружанасць і ўплывае на паліцыю, якая не прымяняе сілу супраць людзей, якія моляцца. Дарэчы, у Ганконгу хрысціян - усяго каля 12%.