«Надзея без страху». Выстава карцін беларускай верніцы адкрылася ў Італіі

Беларуская мастачка, ілюстратарка, журналістка і дзіцячая пісьменніца Надзея Бука адкрыла персанальную выставу ў Італіі. Надзея – даўняя парафіянка каталіцкага храма Святой Тройцы (Святога Роха) у Мінску, у яе была свая студыя пры касцёле, у якой яна вучыла маляваць дзяцей і дарослых. Але цяпер мастачка вымушана жыве за мяжой.

«Speranza senza paura – пераклад з італьянскага "Надзея без страху". Так называецца персанальная выстава, якая зараз праходзіць у самым цэнтры Пізы. На ёй прадстаўлена 33 маіх работы. Гэта першая, але не апошняя выстава ў Італіі, і я вельмі спадзяюся, што мае карціны адгукнуцца ў сэрцах італьянцаў», – напісала Надзея 7 лістапада.

Раней яна паведамляла, што пасля Пізы выставы запланаваныя ў Фларэнцыі і Рыме:

«Жыццё непрадказальнае, і пасля вымушанай эміграцыі яно зайграла новымі фарбамі. Спачатку яны былі шэрых адценняў, часам трапляліся мазкі ультрамарына і краплака. Цяпер гэта вялікая палітра колераў (эмоцый)».

Наш канал в Telegram – только интересное и важное. Подписаться >

У экспазіцыі работ беларускі прадстаўлены, у тым ліку, карціны з хрысціянскай тэматыкай.