Відэа з пазітывам: як трэба калядаваць, паказалі на Лідчыне

Студзень 9, 2025
Written by KATOLIK.LIFE
Published in Соцыум
Add new comment

У вёсках правялі абрад «Тры каралі», якому нададзены статус гісторыка-культурнай каштоўнасці.

Лідскі цэнтр культуры і народнай творчасці правёў 6 студзеня, на каталіцкае свята Аб'яўлення Пана, у вёсках Ваверка, Альхоўка і Чаплі традыцыйны абрад калядавання «Тры каралі». Таксама ў суседнім Воранаўскім раёне – у вёсцы Больцішкі – правядзенне абраду арганізаваў мясцовы цэнтр культуры.

Дарослыя і дзеці заходзілі ў хаты вяскоўцаў, віншавалі іх з Божым Нараджэннем, спявалі і выказвалі хрысціянскія пажаданні. Часам – на беларуска-польскай мешанцы.

Сёлета адроджаны абрад «Тры каралі» праводзіўся ўпершыню пасля надання яму статусу гісторыка-культурнай каштоўнасці. А штогод яго пачалі ладзіць лідскія работнікі культуры з дапамогай вернікаў мясцовай парафіі з 2017 года.