Сужэнцаў запрашаюць на духоўныя практыкаванні, каб паглыбіць сваё каханне

Рух «Сужэнскія сустрэчы» сардэчна запрашае кожную сужэнскую пару, якая імкнецца да развіцця сумеснага жыцця і паўнаты сямейнага шчасця, на рэкалекцыі «Моцны шлюб — шчаслівая сям’я», якія адбудуцца 28–30 лістапада ў Баранавічах па вул. Шаўчэнка, 6 у Доме Святой Тройцы.

Удзельнiкамi рэкалекцый могуць быць усе жадаючыя сужэнствы, нягледзячы на канфесiйную прыналежнасць i наяўнасць шлюбу ў царкоўных установах, узрост і стаж шлюбнага жыцця.

Запісацца на рэкалекцыі можна па тэлефонах:

+375 29 529 93 50 (мтс) Аляксандр
+375 29 644 26 05 (Vel) Святлана

«Сужэнскія сустрэчы» — рух у Касцёле, які арганізоўвае рэкалекцыі для сужэнцаў. Мэтай гэтых рэкалекцый з’яўляецца паглыбленне і аднаўленне сужэнскай еднасці і любові. Падчас сустрэч кожная сужэнская пара можа перажыць свежасць узаемных пачуццяў, паглыбіць сваё каханне альбо адкрыць яго нанова, аднавіць адчуванне сутнасці таямніцы шлюбу.

Мужу і жонцы прапаноўваецца дыялог, які вядзецца толькі паміж імі і дапамагае лепшаму ўзаемапаразуменню, дапамагае радавацца сужэнскаму жыццю, нанова адкрываць яго прыгажосць. Паводле досведу, на рэкалекцыі могуць прыязджаць і сужэнцы, якія перажываюць сур’ёзныя канфлікты. Наогул, запрашаецца кожная сужэнская пара, якая намерваецца развіваць сваё супольнае жыццё.

Рэкалекцыi пачынаюцца ў пятнiцу а 18-й гадзiне, завяршаюцца ў нядзелю каля 15.00. Iх праводзяць падрыхтаваныя сужэнскiя пары i святар. Рэкалекцыi арганiзаваны ў рэкалекцыйным доме, дзе кожная сужэнская пара забяспечваецца асобным пакоем.