Ватыкан перадаў уцекачам у Сірыі 110 тыс. еўра і Бібліі

Лістапад 17, 2015
Written by katolik-gomel.by
Published in Царква
Add new comment

Мусульмане вераць, што ўсталяваць мір можа дапамагчы Папа.

Арцыбіскуп Вінчэнца Палья, які знаходзіўся ў мінулыя выхадныя ў сталіцы Сірыі, перадаў ад імя Святога Айца мясцоваму Касцёлу 6 тыс. асобнікаў Евангелля паводле св. Лукі па-арабску і 110 тыс. еўра для бежанцаў, каб дапамагчы ім перажыць зіму. Аб гэтым паведаміў сам старшыня Папскай рады па справах сям’і ў каментары для італьянскай сеткі каталіцкіх радыёстанцый.

Арцыбіскуп Палья адзначыў, што яго місія з’яўляецца плёнам нядаўняй Сусветнай сустрэчы сем’яў у Філадэльфіі, а фінансавая дапамога будзе прызначана для найбольш патрабуючых. Рашэнне, каго падтрымаць у першую чаргу, прымуць мясцовыя біскупы. Гаворка ідзе пра дапамогу сем’ям у ацяпленні дамоў падчас суровай зімы. Ён дадаў, што нават мусульмане перакананыя, што менавіта Святы Айцец можа паспрыяць, каб на іх Радзіму вярнуўся мір.

be.radiovaticana.va

Tagged under