BEL
†Бог любіць цябе такім, які ты ёсць! †Хрыстос дабравольна пайшоў на крыж за твае правіны †Смерць пераможана! † Найбольш просты шлях да святасці - не асуджай! †Ісус шукае і чакае цябе! †Хрыстос уваскрос! †Д'ябал не можа зрабіць пекла прывабным, таму ён робіць прывабнай дарогу туды

Беларусам у Вільні перададзены касцёл св. Барталамея

Імша будзе адбывацца ў святыні толькі на беларускай мове.

13 сакавіка таварыству беларусаў у Вільні быў урачыста перададзены касцёл св. Барталамея, які знаходзіцца ў раёне мастакоў Ужупіс - ля гістарычнага цэнтру літоўскай сталіцы. Аб гэтым паведаміў ад імя беларусаў Вільні Алесь Адамковіч. У часе нядзельнай імшы дапаможны біскуп Віленскай архідыяцэзіі ўрачыста абвясціў, што ад 13 сакавіка ў касцёле св. Барталамея ў Вільні набажэнствы будуць адбывацца толькі на беларускай мове. Біскуп таксама зазначыў, што ў Вільні ёсць касцёлы, дзе набажэнствы адбываюцца толькі на адной мове: польскай, літоўскай, украінскай. Таму цалкам лагічна, што і беларусы павінны мець свой касцёл.

Варта адзначыць, што нядзельную Імшу Яго Эксцэленцыя цэлебраваў па-беларуску. Упершыню, за многія стагоддзі іерархі да беларусаў звяртаюцца на іх роднай мове.

Душпастырам для беларусаў Вільні і ваколіц прызначаны айцец Арыюш Малыска OFM Cap.

- Такім чынам, распачынаецца новая старонка ў гісторыі беларускага каталіцтва ў Вільні. Па сутнасці, 27 гадоў прайшлі ў «змаганні» за гэты касцёл, а калі ўвогуле, то яно вядзецца з 1921 года. Гэта мара яшчэ тых беларусаў-віленчукоў і святароў, такіх як А. Станкевіч, В. Гадлеўскі, У. Талочка і інш., каб у Вільні быў касцёл для беларусаў, - пракаментаваў Алесь Адамковіч. - Шчыра запрашаем беларусаў наведваць беларускія службы ў Вільні. Іх далейшы лёс цалкам залежыць ад нас.

Імша на беларускай мове будзе адбывацца штодзённа а 18.00 вечара. У нядзелю - а 10.00 і 12.00. Касцёл Святога Барталамея знаходзіцца па адрасе: вуліца Ужупё, 17a, Вільнюс (Vilniaus Šv. apaštalo Baltramiejaus bažnyčia,Užupio g. 17a).

Last modified onСерада, 16 Сакавік 2016 11:43

Каментары   

+1 #1 Валянцін 2018-10-11 14:55
Добры дзень, шаноўнаму спадарству!

Выбачайце, хачу ўнесці адно невялічкае, але істотнае, удакладненне: касцёл св. Барталамея ў Вільні быў перададзены беларусам-катал ікам Літвы не ў 2016-м, а ў 1997-м годзе.

З павагай,
Валянцін
Цытаваць | Паведаміць мадэратару

Дадаць каментарый

Ахоўны код
Абнавіць