Моцны вецер сарваў частку даху з магілёўскага катэдральнага касцёла
- Written by KATOLIK.LIFE
- Published in Царква
- Add new comment
На апублікаваных фота відаць, як перад уваходам у храм ляжаць часткі разбуранага драўлянага акратавання
Біскупскі вікарый для Магілёва і Магілёўскай вобласці біскуп Аляксандр Яшэўскі паведаміў на сваёй старонцы ў Instagram аб пашкоджанні даху каталіцкага катэдральнага касцёла Унебаўзяцця Найсвяцейшай Панны Марыі і св. Станіслава ў Магілёве. Гэта адбылося з-за моцнага ветру 14 студзеня. У сувязі з гэтым іерарх папрасіў аб падтрымцы. На апублікаваных фота відаць, як перад уваходам у храм ляжаць часткі разбуранага драўлянага акратавання, таксама ёсць дзіры ў даху, якія ўтварыліся пасля буры.
У той жа дзень сіноптыкі абвясцілі аб чырвоным узроўні небяспекі ў Беларусі з-за моцнага ветру. Паведамлялася аб шматлікіх пашкоджанняў будынкаў і канструкцый у Мінску і іншых гарадах у розных рэгіёнах. У штармавым папярэджанні гаварылася пра тое, што хуткасць ветру можа дасягаць 25-27 метраў у секунду. Паводле сіноптыкаў, 15 студзеня моцны вецер захаваецца, але ягоная хуткасць будзе меншай.
Media
Related items
-
«Вельмі складаная сітуацыя». Апошняя справа біскупа Велікасельца патрабуе падтрымкі
-
Ксёндз Завальнюк папрасіў памерлага біскупа Велікасельца заступніцтва ў асаблівай справе
-
Войска, пасвячэнне, усмешка. Топ-7 фота Казіміра Велікасельца да 30 дзён яго смерці
-
«Вялікая бяда». Двум святарам у Беларусі не працягнулі дазвол на служэнне – без пастыраў засталіся адразу шэсць (!) парафій
-
Пытанні каталіцкаму святару задала аўдыторыя Threads. Адно аказалася моўным