А калі закахаўся? Арцыбіскуп Станеўскі адказаў дзецям і праспяваў на ТБ-шоу

Мітрапаліт Мінска-Магілёўскі арцыбіскуп Юзаф Станеўскі стаў героем ток-шоу на дзяржаўным тэлеканале «Беларусь 1». Ён прыняў удзел у перадачы «100 пытанняў даросламу», якую пакажуць 27 траўня.

Ці можна праваслаўнаму прыходзіць у касцёл, калі святар закахаўся – што яму рабіць, ці могуць дзеці трапіць у пекла: на гэтыя і іншыя «наіўныя пытанні» адказаў кіраўнік каталіцкага епіскапату Беларусі.

Таксама, як стала вядома з анонсу перадачы, ён праспяваў сваю любімую песню пра маці, якую сам пераклаў з украінскай на беларускую і раней часам выконваў у храмах і падчас свайго папярэдняга выступу на дзяржТБ.

Ток-шоу з удзелам арцыбіскупа выйдзе ў эфір у 8 гадзін вечара 27 траўня. Раней адказваць на пытанні дзяцей у рамках гэтай перадачы запрашалі, у прыватнасці, начальніка Мінскага сувораўскага ваеннага вучылішча, рэктара Беларускага дзяржаўнага ўніверсітэта культуры і мастацтваў, капітана мінскага хакейнага клуба, старшыню Беларускага саюза жанчын, артыстаў.

Наш канал в Telegram – только интересное и важное. Подписаться >