Як становяцца манахінямі, паказалі ў Смаргоні

Жнівень 27, 2024
Written by KATOLIK.LIFE
Published in Царква
Add new comment

Сястра Юлія скончыла БДУ, працавала настаўніцай і вырашыла, што ў яе толькі адно жыццё, і яго нельга змарнаваць.

Каталіцкая парафія ў Смаргоні апублікавала кранальнае відэа з абраду складання вечных манаскіх абяцанняў сястры Юліі Клявец FMA (салезіянак). Урачыстую Імшу ўзначаліў біскуп Аляксандр Яшэўскі (таксама салезіянін).

25 жніўня сястра Юлія прынесла вечныя абяцанні – назаўжды аддала сябе Богу і «афіцыйна» стала манахіняй пасля таго, як у 2018 годзе склала першыя абяцанні, пасля 6 гадоў выпрабавання.

Па дадзеных у сацсетках, яна родам са Смаргоні, вучылася ў Беларускім дзяржаўным універсітэце, затым працавала ў школе настаўніцай біялогіі. Але ў выніку вырашыла: «У мяне ёсць толькі адно жыццё, і яго нельга змарнаваць». Такі дэвіз сястра Юлія змясціла на сваёй старонцы.

Нядаўна яна давала відэа-інтэрв'ю, у якім распавядала пра сваё пакліканне, выпрабаванні, пра тое, што неабходна зрабіць, каб стаць манахіняй [глядзіце ніжэй].