Такім мы яго яшчэ не бачылі: арцыбіскуп Кандрусевіч у вобразе цесляра вырабіў крыж

Май 3, 2025
Written by KATOLIK.LIFE
Published in Царква
Add new comment

Гэты крыж будзе ўсталяваны на могілках у Мар’інай Горцы.

У Дзень Святога Юзафа рамесніка, 1 траўня, арцыбіскуп эмэрыт Тадэвуш Кандрусевіч наведаў каталіцкую парафію ў Мар’інай Горцы. Там іерарх разам з Рамуальдам Стужынскім, які доўгі час дапамагаў розным касцёлам Беларусі сваёй працай і служэннем у якасці чырвонадрэўшчыка, вырабілі крыж. Фота працэсу апублікаваў ксёндз Аляксандр Улас.

Гэты крыж будзе ўсталяваны на могілках, каб служыць не толькі сімвалам, але і месцам малітвы і роздуму для вернікаў, паведаміла Мінска-Магілёўская архідыяцэзія.

Падчас працы былі выкарыстаны практычна тыя ж ручныя прылады, што і ў часы Езуса, надаючы працэсу асаблівае сімвалічнае значэнне і падкрэсліваючы сувязь з традыцыямі стагоддзяў.

Нагадаем, 79-гадовы арцыбіскуп Тадэвуш цяпер праходзіць хіміятэрапію з-за выяўленага прагрэсу анкалагічнага захворвання.