Стала вядома, што беларускі біскуп сказаў Папе Рымскаму: «Мы ўсе стомленыя вайной»
- Written by KATOLIK.LIFE
- Published in Царква
- Add new comment
Іерарх запрасіў Пантыфіка наведаць Беларусь.
Дапаможны біскуп Пінскай дыяцэзіі Андрэй Зноска распавёў на сваёй старонцы пра змест кароткай размовы з Папам Рымскім 1 кастрычніка падчас Генеральнай аўдыенцыі на плошчы святога Пятра ў Ватыкане.
Іерарх разам са святарамі і вернікамі дыяцэзіі ўдзельнічаў у пілігрымцы ў Рым з нагоды Юбілейнага году. Пасля аўдыенцыі біскупы, якія ў ёй удзельнічалі, па чарзе падыходзілі да Пантыфіка, каб прывітаць яго. У размове, якая доўжылася каля 15 секунд, біскуп Зноска запрасіў Льва XIV наведаць Беларусь і паспеў сказаць:
«Наш Касцёл марыць і моліцца, каб Ваш візіт у нашую краіну стаў магчымым. Мы ўсе стомлены вайной паміж нашымі суседзямі, а Ваш прыезд у Беларусь будзе знакам супакою і надзеі».
Біскуп Віцебскі Алег Буткевіч, які таксама наведаў Рым разам з пілігрымамі сваёй дыяцэзіі, не сустракаўся з Пантыфікам, бо заставаўся падчас аўдыенцыі са сваёй групай, а не з біскупамі.
Наш канал в Telegram – только интересное и важное. Подписаться >
Related items
-
У пілігрымцы ў Рым беларускія католікі не выкарыстоўвалі сімволіку краіны
-
Беларусь «не павінна адчуваць сябе ізаляванай, адкінутай» – Папскі пасланнік
-
Скандзіравалі «Беларусь!» перад Папам, пачулі пра сваю місію, перажылі гістарычную падзею: 500 беларускіх католікаў у Рыме
-
Масква, Саратаў, Нароўля. Арцыбіскуп Тадэвуш Кандрусевіч – рэкардсмен у душпастырскіх візітах
-
Яшчэ адзін касцёл закрыюць у Мінску. Што пра гэта і іншыя балючыя пытанні распавялі біскупы Папе Рымскаму?