Каталікі, праваслаўныя і пратэстанты будуць святкаваць Вялікдзень у адзін дзень
- Written by katolik-gomel.by
- Published in Навіны - Гомель
- Comments (2)
У 2017 годзе Уваскрасенне Хрыстова выпадае на адзін дзень па двух календарах - 16 красавіка.
У 2017 годзе галоўнае свята ўсіх хрысціян - Уваскрасенне Хрыстова - будзе асаблівым: усе канфесіі адзначаць яго ў адзін дзень, 16 красавіка. У апошні раз гэта адбывалася ў 2014 годзе.
Разлік даты Вялікадня залежыць ад поўні, паколькі старазапаветнае свята было ўсталявана ў памяць збавення габрэйскага народа ад егіпецкай няволі. У старажытных габрэяў Пасха была непераходным святам і адзначалася ад 14 да 21 чысла месяца нісана (па месяцовым календары), які амаль адпавядаў сучаснаму сакавіку.
Хрысціянская Пасха святкуецца ў першую нядзелю пасля вясновай поўні - першай поўні, насталай пасля дня веснавога раўнадзенства. Абедзве Пасхаліі - Александрыйская і Грыгарыянская - заснаваныя на гэтым прынцыпе. Калі поўня раней за 21 сакавіка, то велікоднай лічыцца наступная поўня (+ 30 дзён). Калі велікодная поўня выпадае на нядзелю, то Вялікдзень святкуецца ў наступную нядзелю.
Аднак ўсходнія (праваслаўныя, грэка-каталікі і вернікі старажытнаўсходніх цэркваў) і заходнія (каталікі лацінскага абраду і пратэстанты) хрысціяне выкарыстоўваюць розныя Пасхаліі, што прыводзіць да таго, што адно і тое ж правіла прыводзіць да розных дат.
У новазапаветнай Царкве Пасха святкуецца ў памяць Уваскрасення Езуса Хрыста. Тайная вячэра, пакуты і смерць Хрыста адбываліся напярэдадні Уваскрасення Хрыстова, а ў першы дзень тыдня пасля першага дня яўрэйскага Вялікадня Гасподзь Уваскрос з мёртвых.
Слова «Пасха» паходзіць ад габрэйскага «Песах» і даслоўна перакладаецца як «праходжанне міма», маючы значэнне збавення, пераходу ад смерці да жыцця.
Related items
- З паходнямі і ў касцюмах: вуліцамі гарадоў Беларусі правялі Крыжовы шлях
- Аксана, Сяргей, Паліна, Павел... За тых, хто не сустрэне Вялікдзень дома, моляцца ў Вялікі чацвер
- Дзе глядзець відэа-онлайн на Вялікдзень-2024 – падборка прамых трансляцый з касцёлаў
- Упершыню за пяць гадоў Крыжовы шлях прайшоў у цэнтры Гродна і сабраў сотні ўдзельнікаў
- Штосьці незвычайнае зладзілі ў мінскім касцёле: набажэнства спалучылі з перфомансам
///
RSS-стужка каментароў гэтага запiсу