На сустрэчу моладзі запрашаюць гомельскія каталікі [постэр]

У суботу, 15 сакавіка, у Гомелі пройдзе сустрэча моладзі Пінскай дыяцэзіі Рыма-каталіцкай царквы, на якую запрашаюцца ўсе жадаючыя. Ладзіць сустрэчу малады вікарый гомельскай парафіі айцец Дамінік Шыманскі з дапамогай маладых вернікаў касцёла.

Пачнецца мерапрыемства ў 10.30 у Доме міласэрнасці сясцёр ордэна Маці Тэрэзы. У праграме - канферэнцыі, гульні, абед, шмат зносін і, вядома ж, удзел у святой Імшы. Чакаецца, што ў Гомель на сустрэчу прыбудзе моладзь з рыма-каталіцкіх парафій Гомельскай і Брэсцкай абласцей.