«Дзіця электрычкі» вандруе па Беларусі ў пошуках цікавых храмаў і драўляных хат

Старонку ў Instagram незвычайнай вандроўніцы заўважыў Katolik.life – дзяўчына не проста выкладае прыгожыя здымкі з падарожжаў, але робіць гэта вельмі пазітыўна і па-беларуску.

27-гадовая Дзіяна з-пад Мінска знаходзіць штосьці асаблівае ў вёсках – яе цікавяць драўляныя хаты, каплічкі, касцёлы і цэрквы, прыдарожныя крыжы. Напрыклад, яна распавядала пра капліцу святога Роха ў вёсцы Атцэда ў Стаўбцоўскім раёне (глядзіце ніжэй).

А што найбольш адметнае – Дзіяна падарожнічае на цягніках і называе сябе «дзіцём электрычкі», гаворыць, што вакзалы і цягнікі – яе месца сілы. Магчыма таму, што менавіта ў электрычцы пазнаёміліся яе бацькі.

Дзіяна гаворыць, што наведала ўжо 150+ гарадоў, пасёлкаў, вёсак ці проста знакавых месцаў, а дарога – яе другі дом. На сваёй старонцы яна раіць маршруты вандровак па Беларусі, а таксама просіць парадаў, куды паехаць ёй самой.

Дарэчы, яшчэ адна беларускамоўная вандроўніца – Ірына Сарока з Мінска, якая выкладае ў Instagram «фотазамалёўкі для душы», наведвае з сям'ёй вядомыя храмы.

Наш канал в Telegram – только интересное и важное. Подписаться >