У Віцебску знясуць старадаўні будынак былой капліцы
- Written by katolik-gomel.by
- Published in Царква
- Add new comment
У XIX стагоддзі каталіцкую капліцу пабудаваў памешчык.
У Віцебску знясуць былы будынак каталіцкай капліцы XIX стагоддзя. Віцебскі гарвыканкам прыняў рашэнне аб зносе двухпавярховага цаглянага будынка па вуліцы Урыцкага, які знаходзіцца ў батанічным садзе. Будынак, як мяркуецца, з'яўляецца капліцай 1859 года пабудовы, якая належала віцебскаму памешчыку. Праўда, у дакументах на распрацоўку ПСД указаны 1939 год пабудовы, але, верагодна, гэта год перабудовы або рамонту.
Як мясцовыя жыхары, так і супрацоўнікі батанічнага саду, з якімі ўдалося паразмаўляць «Народным навінам Віцебска», ведаюць, што там была «ці то капліца, ці то царква». Згодна з кнігай «Странички изь недавней старины города Витебска», выдадзенай у 1899 годзе, «багач-хлебасол, які валодаў садам, пабудаваў для сябе араторыюм, дзе праводзіў малітоўныя часы».
Такім чынам, у Віцебску будзе знішчаны адзін з нямногіх ацалелых архітэктурных помнікаў XIX стагоддзя. На жаль, будынак не ўнесены ні ў якія ахоўныя спісы. Ён досыць даўно закінуты і зарослы плюшчом.
Related items
- Як у вёсках праходзяць Маёвыя набажэнствы, паказалі на Гродзеншчыне
- «Не сказалі нават біскупу». Даведаліся, на які тэрмін асудзілі святароў у Віцебску
- «Сезон пілігрымак» адкрыла паломніцтва з Пінска ў Лагішын
- Песня з хрысціянскімі матывамі ад Украіны заняла трэцяе месца на Еўрабачанні
- «Зробім каталіцкае ТБ». Два моцныя YouTube-праекты запусцілі святары і манахіня