У Мінску адбудзецца Фэст хрысціянскай музыкі "Бог Жыве!"

15 красавіка, на трэція ўгодкі "Няспыннай малітвы за Беларусь", у Мінску пройдзе Фэст хрысціянскай музыкі "Бог Жыве!". Канцэрт адбудзецца ў гатэлі "Манастырскі" (вул. Кірылы і Мяфодзія, 6) а 17-й гадзіне з удзелам вядомых гуртоў і выканаўцаў розных канфесіяў. У прыватнасці, выступяць удзельнікі каталіцкага Rybyproject, творчага калектыва баптыстаў Carpen Diaz, гурта "Зоркі забылі заззяць", а таксама - Віктар Козел ("Тэзаўрус") і Зміцер Цярэнцьеў. Уваход вольны.

"Няспынная малітва за Беларусь" - бестэрміновая кругласуткавая эстафетная малітва за краіну і народ. Гэта ініцыятыва простых вернікаў розных канфесій, у тым ліку католікаў.