Пад гукі скрыпкі: у палескім райцэнтры да Першай Камуніі прыступілі двое дзяцей

Працягваем звяртаць увагу на жыццё невялікіх каталіцкіх парафій у Беларусі і на гэты раз пераносімся ў Нароўлю – маленькі райцэнтр Гомельскай вобласці ў Чарнобыльскай зоне ля мяжы з Украінай. Там, у парафіі Ўзвышэння Святога Крыжа, як і ў большасці касцёлаў, прайшло свята Першай Камуніі.

Аднак, у адрозненні ад парафій у вялікіх гарадах і ў заходняй частцы Беларусі, дзе да Святой Камуніі ўпершыню прыступаюць штогод дзесяткі дзяцей, у Нароўлі толькі двое дзетак першы раз прынялі Цела Хрыста – і гэта таксама вялікая радасць для супольнасці.

Пасля ўрачыстай святой Імшы Варвара і Ціхан выступілі з вершам на беларускай мове. А Святую Камунію яны і іншыя парафіяне прымалі пад гукі скрыпкі – менавіта такое музычнае суправаджэнне з'яўляецца адметнасцю гэтай парафіі (відэа ксяндза Януша Чарнаморава глядзіце ніжэй).

Дарэчы, касцёл у Нароўлі патрабуе рамонту – тут трэба мяняць стары дах, які пачаў працякаць. Невялікая парафія просіць аб дапамозе. Як гэта можна зрабіць – глядзіце ніжэй.