Гомельскія каталікі здзейснілі 9-месячную малітву за ненароджаных дзяцей

Снежань 26, 2012
Written by gomel.catholic.by
Published in Навіны - Гомель
Add new comment

На Раство дзесяткі парафіянаў гомельскага касцёла завяршылі 9-месячную малітву за ненароджаных дзяцей. Як сімвал выратаванага дзіцяці шматлікія вернікі прынеслі ў храм па ружы, якія былі пастаўлены перад алтаром.

У гомельскім касцёле такія малітвы з'яўляюцца традыцыйнымі ўжо на працягу дзевяці гадоў. Яны пачынаюцца ў сакавіку, у свята Звеставання Пана.

Кожны прыносіў ружу ў знак сваёй любові да дзіцяці, за якога маліўся, у знак таго, што Гасподзь Бог з любоўю ставіцца да кожнага жыцця, якое зачата ва ўлонні маці. І нават калі яно, жыццё, прыходзіць такім жахлівым чынам - праз гвалт. Бог абараняе кожнае жыццё - гэта з'яўляецца падмуркам традыцыйных 9-месячных малітваў.

Святочная праграма ў гомельскім касцёле працягнецца Калядным канцэртам класічнай музыкі, які пачнецца ў нядзелю, 30 снежня ў 18.30.