Праваслаўныя святкуюць Раство - дзеці дораць ВІДЭА-калядку

7 студзеня вернікі Праваслаўнай царквы святкуюць Раство Хрыстова. Парафіяне гомельскага касцёла віншуюць праваслаўных братоў, якія адзначаюць урачыстасць па Юліянскім календары, і жадаюць у гэтым свяце Раства знайсці для сябе добрую вестку пра тое, што Ісус увайшоў і ўваходзіць у ваша жыццё, каб зрабіць яго сапраўды шчаслівым.

Жадаем кожнай сям'і, кожнаму дому блаславення Божага. Як пасля сустрэчы з Езусам тры валхвы пайшлі іншым шляхам, вяртаючыся ў сваю краіну, жадаем ў гэтым новым годзе таксама хадзіць па шляхах Гасподніх у паслухмянстве Богу і быць шчаслівымі ў Яго любові. Хай Віфлеемская зорка ззяе ў вашым сэрцы!

Нагадаем, католікі адзначылі Раство 25 снежня. А сёння адрасуюць праваслаўным відэа-калядку ад дзяцей з гомельскага касцёла.