Біскуп Антоні Дзям'янка наведаў гомельскія Нэакатэхуменальныя суполкі
- Written by gomel.catholic.by
- Published in Навіны - Гомель
- Add new comment
29-30 верасня біскуп Пінскай рыма-каталіцкай дыяцэзіі Антоній Дзям'янка наведвае Гомельскі дэканат. У суботу днём ён удзельнічаў у парафіяльным свяце Мазырскага касцёла Святога Міхаіла Арханёла, а вечарам наведаў свята Эўхарыстыі гомельскіх суполак Нэакатэхуменальнага шляху. У нядзелю біскуп асвяціць будаўніцтва новага храма ў Жлобіне.
Гаворачы аб сённяшнім чытанні з Евангелля, біскуп адзначыў:
- Мы павінны працаваць над сабой, каб вытруціць у сабе зайздрасць, а ў гэтым дапамагаюць Святыя сакрамэнты: частая споведзь, Святая Камунія, а таксама разважанне над Божым Словам. І вельмі важна маліцца аб іншых людзях: аб іх святасці, аб навяртанні для грэшнікаў, каб кроў Езуса не была праліта дарэмна. Хрыстос памёр на крыжы за ўсіх нас, але выратаваны будзе той, хто скарыстаецца Яго збаўчымі мукамі.
У канцы сустрэчы біскуп падзякаваў суполкам за сумеснае свята:
- Дзякую, што вы так дынамічна сабраліся, таму што толькі ў абед сам пробашч даведаўся аб маім візіце, мне гэта вельмі прыемна. Прашу маліцца за мяне, каб маё служэнне дапамагло ўмацаванню веры мясцовых каталікоў і навяртанню тых, хто праз грэх адышоў ад Бога, каб яны знайшлі Яго ў касцёле. У краіне больш за 40% атэістаў, таму прашу маліцца і каб тыя, хто яшчэ ў пошуках Бога, дзякуючы майму служэнню і вашаму сведчанню, таксама знайшлі Бога ў касцёле.
Related items
- Беларусы даказваюць у судах «польскія карані» – з дапамогай веры
- На «гучныя» службы ў касцёле паскардзіўся жыхар Смаргоні. Што яму адказалі?
- «Каб гэтае заданне я выканаў добра». Новы біскуп і вернікі пракаментавалі падзею
- Новага біскупа ў Беларусі прызначыў Папа Рымскі на незвычайную пасаду
- Флэшмоб This is Belarus сабраў 100 тысяч фота і відэа – таксама з Будслава