Фотафакт: Новы Запавет па-беларуску ад Касцёла і БПЦ
- Written by katolik.life
- Published in Царква
- Add new comment
Каталіцкая царква прадставіць сваёй першы афіцыйны пераклад 25 лістапада.
У суботу, 25 лістапада, у актавай зале Чырвонага касцёла ў Мінску пройдзе біблейскі сімпозіум «Слова Божае 1517 - 2017», падчас якога адбудзецца прэзентацыя першага афіцыйнага рыма-каталіцкага выдання Новага Запавету на беларускай мове. Сімпозіум пройдзе ў рамках святкавання 500-годдзя выдання першай друкаванай беларускай кнігі - Бібліі Францішка Скарыны. Пачатак сімпозіума а 10-й. Урачыстая імша, якую ўзначаліць арцыбіскуп Тадэвуш Кандрусевіч, адбудзецца ў 12.00. А 19 снежня ў 16 гадзін прэзентацыя адбудзецца ў зале адукацыйных тэхналогій Нацыянальнай бібліятэкі Беларусі.
Нагадаем, нядаўна свой варыянт перакладу Новага Запавету на беларускую мову прадставіла Беларуская праваслаўная царква. Праца вялася 25 гадоў, пераклад быў зроблены са старажытнагрэцкага тэксту.
Таксама абноўлены беларускі пераклад Новага Запавету падрыхтавалі спецыялісты Беларускага Біблейскага таварыства - на аснове рукапісаў каталіцкага святара Уладзіслава Чарняўскага.
У калажы скарыстаныя фота Catholic.by і Sputnik.by
Related items
-
Двое біскупаў удзельнічаюць у важным мерапрыемстве ў абарону жыцця ў Беларусі
-
У «Гомельскіх Курапатах» адбылося набажэнства, а ў Мінску, падобна, – зноў не
-
Топ-7 фота: як у Беларусі адзначылі «Дзяды»
-
На будоўлі ў Мінску знайшлі чалавечыя парэшткі – тут былі каталіцкія могілкі
-
У пілігрымцы ў Рым беларускія католікі не выкарыстоўвалі сімволіку краіны