Натхняльныя відэа з урачыстасцяў у Тракелях апублікаваў святар

Ліпень 14, 2024
Written by KATOLIK.LIFE
Published in Царква
Add new comment

Ва ўрачыстасцях Гродзенскай дыяцэзіі ўдзельнічала каля 1400 пілігрымаў, сярод якіх была 105-гадовая верніца.

У дыяцэзіяльных урачыстасцях, якія прайшлі 12-14 ліпеня ў каталіцкім санктуарыі Каралевы нашых сем'яў у Тракелях у Гродзенскай вобласці, удзельнічала каля 1400 пілігрымаў, сярод якіх была 105-гадовая верніца. Пра гэта паведаміла на старонцы маскоўскай архідыяцэзіі паломніца з Расіі Вольга Дубягіна, якая ў складзе групы расійскіх католікаў удзельнічала ва ўрачыстасцях.

Значна большую колькасць удзельнікаў сёлетніх урачыстасцяў, у параўнанні з мінулымі гадамі, адзначылі і беларускія вернікі.

Ксёндз Юрый Марціновіч, прэс-сакратар Гродзенскай дыяцэзіі, апублікаваў на сваёй старонцы ў Instagram прыгожыя натхняльныя відэа з момантамі ўрачыстасцяў. Гэта спеў хору з малітвай за Беларусь, вальс сужэнскіх пар, якія абнавілі падчас свята свае шлюбныя абяцанні. Многія – праз дзясяткі гадоў сумеснага жыцця. А таксама – з момантамі начной святой Імшы і працэсіі са свечкамі і паходнямі, запуску паветраных шароў.