XXXIII звычайная нядзеля

17.11.2019

♦ У чацвер памяць ўвядзення ў храм Прасвятой Багародзіцы.

♦ У пятніцу памяць св. Цэцыліі, панны і мучаніцы, апякункі касцёльнай музыкі, молімся за нашых арганістаў, кантараў і хор.

♦ У наступную нядзелю ўрачыстасць Езуса Хрыста, Валадара ўсяго Сусвету. Молімся за выкладчыкаў Духоўнай семінарыі ў Пінску і за семінарыстаў. Таксама збіраем ахвяраванні на семінарыю.

♦ Месяц лістапад прысвечаны малітве за памерлых. Будзем здзяйсняць яе штодня пасля святой Імшы. Таксама можна запрасіць святара на могілкi для малітвы і асвячэння магілы (быў усталяваны новы помнік).

♦ Школа веры для дарослых і моладзі праходзіць па панядзелках. Пачатак у 19.30 у зале на першым паверсе.

♦ Уборка на гэтым тыдні будзе ў пятнiцу пасля вячэрняй службы, вялікая просьба памятаць пра сваю адказнасць за касцёл.

♦ Прашу звярнуць увагу, ёсць новыя нумары перыядычных выданняў: часопіса «Дыялог», «Ave Maria», «Наша вера». Іх можна набыць пры выхадзе з касцёла.

Кс. Юрый Воронко, настаяцель

Парафія Нараджэння Божай Маці (вул. Савецкая, 118)

Парафія Унебаўзяцця Найсвяцейшай Панны Марыі (пр. Рэчыцкі - вул. Аб'язная)

Магчымыя змены. Удакладняйце расклад па тэл .: +37529 802-99-45 (а. Леанард)